На вуліцы Маскоўскай сутыкнуліся адразу 5 машын (Фота)

Аварыя адбылася 21 снежня ў беларускай сталіцы на масце па вуліцы Маскоўская. На дарозе ўзнікла вялікая пробка.

Легкавы аўтамабіль, які аб’язджаў снегапрыбіральную машыну па сустрэчнай паласе, сутыкнуўся з іншым аўто, што выклікала ланцужную рэакцыю.

Пацярпелі яшчэ дзве легкавыя машыны і мікрааўтобус, які, да шчасця ехаў без пасажыраў, паведамляе тэлеканал СТВ.

Машыны моцна пабітыя, але кіроўцы абмежаваліся лёгкім спалохам. На трасе ўзнікла пробка. ДАІ праводзіць разбіральніцтва.