У Менску прайшла акцыя «Іван, go home!» (Фота)

Беларусы актыўна выказваюць свой пратэст прысутнасці расейскіх войскаў на тэрыторыі Беларусі.

Надпісы «Іван, go home!» былі заўважаныя 29 верасня ўздоўж чыгуначны шляхоў у Менску. Як адзначае сайт jeans-by.com, хутчэй за ўсё, такім чынам, невядомыя выказалі пратэст супраць знаходжання ў Беларусь расейскіх войскаў і візіту ў нашую краіну прэзідэнта РФ Дзмітрыя Мядзведзева.

Таксама ў цэнтры Менска з'явіліся ўлёткі з інфармацыяй пра знаходжанне ў Беларусі замежных войскаў.

Нагадаем, што пасля сустрэчы 29 верасня на ваенных вучэннях «Захад-2009» Дзмітры Мядзведзеў і Аляксандр Лукашэнка дамовіліся, што падобныя расейска-беларускія манеўры будуць праводзіцца кожныя два гады.

Расейскія войскі пачынаюць выходзіць з Беларусі з сённяшняга дня.