Лукашэнка шукае паратунку ў Назарбаева

Аляксандр Лукашэнка 23-25 мая наведае Рэспубліку Казахстан з афіцыйным візітам.

Аб гэтым паведамілі агенцтву «Інтэрфакс-Захад» у прэс-службе беларускага кіраўніка.

«Праграмай візіту прадугледжаныя перамовы кіраўніка беларускай дзяржавы з прэзідэнтам Казахстана Нурсултанам Назарбаевым ў вузкім і пашыраным складах», - адзначылі там.

У ходзе візіту плануецца падпісаць шэраг двухбаковых дакументаў, працягнулі ў прэс-службе.

«Асноўны тэмай у ходзе перагавораў стане развіццё гандлёва-эканамічных адносінаў і супрацоўніцтва ў межах Мытнага саюза і Адзінай эканамічнай прасторы», - падкрэслілі там.

«Лідэры Беларусі і Казахстана таксама абмяркуюць сітуацыю на постсавецкай прасторы і актуальныя пытанні міжнароднага парадку дня», - дадалі ў прэс-службе.