Апазіцыі ўжо забаранілі выязджаць у Еўразвяз?
103- 7.03.2012, 11:08

7 сакавіка на беларуска-літоўскай мяжы лідэру АГП Анатолю Лябедзьку паведамілі, што ён не можа выехаць у краіны ЕЗ.
«Зараз я знаходжуся на памежным пункце Каменны лог, - паведаміў ucpb.org Анатоль Лябедзька. - Мне анулявалі выезд на тэрыторыю Еўрапейскага звяза. Тое, па якой прычыне выезд за межы Беларусі забаронены, не тлумачаць. Сказалі толькі: звяртайцеся па месцы жыхарства. Маўляў, у нас тлумачэнняў няма, а кампутар выдае «нявыезд». І ў картцы, на выезд паставілі штамп «анулявана».
Раней паведамлялася пра з'яўленне спісу са 108 апазіцыянераў, якія заклікаюць да ўзмацнення жорсткасці санкцый супраць рэжыму Лукашэнкі, якім у бліжэйшы час будзе забаронены выезд з краіны.