Затрыманы былы палітвязень Аляксандр Францкевіч

Працягваюцца затрыманні перад «Чарнобыльскім шляхам».

Сёння быў затрыманы былы палітвязень, актывіст анархісцкага руху Аляксандр Францкевіч, паведаміў у «Фэйсбуку» грамадскі актывіст Яўген Батура.

Зараз Францкевіч знаходзіцца на Акрэсціна.

Нагадаем, што затрыманыя і асуджаныя таксама актывіст «Еўрапейскай Беларусі» Максім Вінярскі (12 сутак), лідар «Маладога Фронту» Зміцер Дашкевіч (25 сутак), актывісты Ілля Дабратвор (10 сутак), Аляксандр Сцепаненка і Уладзімір Сяргееў (па 5 сутак).