Лекар назваў самыя тыповыя сімптомы омікрону

Гэты штам каранавіруса пашкоджвае бронхі і бранхіёлы.

Алег Леснікаў, галоўны лекар Слуцкай лякарні, расказаў аб тым, што з COVID-19 на Случчыне, піша kurjer.info.

Агульная сітуацыя:

- Цяпер мы на ўздыме 5 хвалі.

- У Слуцкай ЦРБ працуюць 4 інфекцыйныя аддзяленні для хворых на COVID-19.

- Усяго ложкаў у аддзяленнях - 237 (20 з іх - для дзяцей).

- Былі дні, калі выклікаў было так шмат, што даводзілася прыязджаць да хворага толькі на наступны дзень.

- Штам «омікрон» ужо ў Слуцку.

Адрозненне омікрону ад дэльты:

- Галоўнае адрозненне омікрону - высокая заразнасць.

- Праз мутацыі вірус зноў «навучыўся абыходзіць» імунную абарону чалавека.

- Омікрон часцей за ўсё не выклікае паразы ніжніх дыхальных шляхоў (пнеўманію).

- Дэльта пашкоджвае альвеолы, омікрон - бронхі і бранхіёлы.

- Працякае ў лягчэйшай форме.

- Яго праявы часта падобныя як у звычайных ВРВІ: падвышэнне тэмпературы, катар, чханне, болі ў горле і кашаль.

- Цяпер колькасць выпадкаў омікрону большая, чым выпадкаў ВРВІ.

Вакцынацыя:

Тыя, хто хварэў на «карону» раней ці быў вакцынаваны, маюць шанец захварэць.

Калі захварэлі, тое гэта амаль бессімптомна або ў лёгкай форме. Часта гэта проста: адно-двухразовае падвышэнне тэмпературы.

Хварэлі прышчэпленыя, але рызыка «атрымаць» цяжкую форму або памерці на парадак меншая.

Найлепшая прафілактыка - максімальна мала бываць у месцах масавага збою людзей.