Медыкі назвалі прэпараты, якія могуць справіцца са штамам «Омікрон»

Даследаванне правялі ў Кентскім і Франкфурцкім універсітэтах.

Група навукоўцаў з Кенцкага і Франкфурцкага ўніверсітэтаў назвала восем супрацьвірусных прэпаратаў, якія найбольш эфектыўныя для барацьбы са штамам каранавіруса «Омікрон».

Аб гэтым піша навуковы часопіс Cell Research, спасылаючыся на вынікі даследавання.

Навукоўцы даследавалі клеткавыя культуры і ўстанавілі, што гэты варыянт COVID-19 адчувальны да найбольш важных супрацьвірусных прэпаратаў і прэпаратаў-кандыдатаў для лячэння каранавіруснай інфекцыі.

Гаворка ідзе пра такія лекі, як EIDD-1931 (актыўны метабаліт малнупіравір), рэмдэзівір, рыбавірын, фавіправір, PF-07321332 (нірматрэлвір, актыўны інгрэдыент пакславіду), камастат, нафамастат і апрацінін.

Таксама навукоўцы высветлілі, чаму заражаныя «Омікронам» пацыенты радзей пераносяць захворванне ў цяжкай форме. Гэта звязанае з тым, што такая разнавіднасць каранавіруса асабліва адчувальная да прыгнечання так званага інтэрферонавага адказу, які прысутнічае ва ўсіх клетках арганізма.