Reuters: Створаная жуйка ад каранавіруса

Актыўнасць віруса пасля яе выкарыстання знізілася на 95 адсоткаў.

Брытанскія навукоўцы стварылі эксперыментальную жавальную гумку, якая, паводле вынікаў даследавання, здольная памяншаць колькасць часціц каранавіруса, прынамсі, штаму «Омікрон», у сліне. Аб гэтым піша агенцтва Reuters.

Жуйка складаецца з копіі бялку ACE2, выяўленага на паверхні клетак, які COVID-19 выкарыстоўвае для пранікнення ў клеткі і іх заражэння. У эксперыментах у прабірцы з выкарыстаннем сліны інфікаваных людзей вірусныя часціцы прымацоўваліся да «рэцэптараў» ACE2 у жавальнай гумцы, у выніку чаго вірусная нагрузка знізілася да нявызначанага ўзроўню, паведамілі даследчыкі ў навуковым часопісе Biomaterials.

Вядома, што падчас эксперыменту навукоўцы выкарыстоўвалі сліну пацыентаў, інфікаваных штамамі «Дэльта» і «Омікрон». У іх выпадку актыўнасць віруса пасля выкарыстання гумак знізілася на 95%.

Падчас клінічных выпрабаванняў, якія пачнуцца неўзабаве, пацыент з каранавіруснай хваробай будзе жаваць па чатыры такія жуйкі кожны дзень цягам чатырох дзён.

«Паколькі перадача праз нос нязначная ў параўнанні з перадачай праз рот… жаванне жавальнай гумкі ACE2 і праглынанне бялку ACE2 павінны звесці да мінімуму інфекцыю, засцерагчы пацыентаў з COVID-19 і прадухіліць перадачу», – сказаў кіраўнік даследавання доктар Генры Даніэл са Школы стаматалагічнай медыцыны ў Пенсільванскім універсітэце (ЗША)

Тым часам штам каранавіруса BA.5, які належыць да сямейства «Омікрон», нядаўна выклікаў новыя ўспышкі захворвання ва ўсім свеце. Яго выявілі ў Паўднёвай Афрыцы, Вялікай Брытаніі, часткова ў Еўропе і Аўстраліі.