Валанцёры расчысцілі пад Навагрудкам руіны касцёла ў егіпецкім стылі

Гэта ўжо другая такая акцыя.

25—26 кастрычніка каталіцкія валанцёры працавалі каля вёскі Суляцічаў Навагрудскага раёна, дзе ў пачатку XIX стагоддзя быў пабудаваны касцёл ва ўнікальным для Беларусі егіпецкім архітэктурным стылі, які быў разбураны ў гады савецкага ваяўнічага атэізму, піша Katolik.life.

Вынік працы добраахвотнікаў па расчыстцы руін каталіцкага храма ў Навагрудскім раёне паказаў ксёндз Юрый Жагарын.

Каб выратаваць ад забыцця святое месца, энтузіясты расчысцілі руіны гістарычнага касцёла ад кустоўя. Талака праводзілася супольна з валанцёрамі з розных куткоў Беларусі пры актыўным удзеле каманды «Радыё Марыя».

«Радуе сэрца, што ў нас дастаткова сапраўдных, салідарных і неабыякавых людзей, што асабліва важна – мужчын! Зрабілі добрую справу, зрабілі, што маглі. Дзякую Богу за дапамогу і натхненне!» — напісаў ксёндз Юры, а таксама падзякаваў лесарубам лясгаса і апублікаваў на сваёй старонцы серыю фота і відэа.

Гэта ўжо другая такая акцыя: першы раз добраахвотнікі фарбавалі касцёл у Холхлаве пад Маладзечнам.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]