У «ДНР» на будпляцоўцы знайшлі цела ўплывовага бізнэсмэна, які перадаваў хабар намесніку Шайгу

Ён уважаўся за зніклага яшчэ з 21 чэрвеня.

У Расеі прадаўжаюць прыбіраць фігурантаў справы аб раскрадванні сродкаў Мінабароны. Чарговай ахвярай стаў бізнэсмэн Ісая Захараў.

Былы намеснік міністра абароны Расеі Цімур Іваноў можа быць замяшаны ў забойстве ўплывовага бізнэсмэна Ісаі Захарава, які перадаваў грошы кіраўніцтву ваеннай установы.

Указаны прадпрымальнік кантраляваў шэраг фірмаў, сярод якіх «Амстрой 77». Ён быў ценевым падраднікам будаўніцтва вадавода «Дон-Паўночны Данец-Данбас», названага праекту «Вялікая вада», падчас якога распілоўваліся мільярды рублёў, а насельніцтва 3 гады не магло дачакацца выніку.

Як паведамілі ў Tekegram-канале «ВЧК ОГПУ», Захараў знік 21 чэрвеня, пасля таго як прыбыў у «ДНР», а потым з'ехаў у невядомым кірунку на Toyota Land Cruiser 200.

Цела бізнэсмэна адкапалі на будпляцоўцы Мінабароны РФ у Харцызку праз некалькі месяцаў, у рэестры спадчынных справаў датай ягонай смерці пазначаная 15 кастрычніка 2024 года.

Характэрна, што Ісая Захараў далёка не першы ўдзельнік крадзяжоў у Мінабароны РФ, які мог даць паказанні паводле справы экс-намесніка міністра Іванова, але яму перашкодзіла смерць пры нявысветленых абставінах.

Раней мёртвымі былі знойдзеныя таксама кіраўнік управы экспертызы Мінабароны Магамед Хандаеў і бізнэсмэн Ігар Кацельнікаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]