У менскіх Шабанах затапіла стаянку з аўтамабілямі

Пашкоджаны ўчастак трубаправода.

У прамзоне Шабаны пашкодзілі ўчастак трубаправода, у выніку чаго затапіла аўтамабільную стаянку, паведамляе тэлеграм-канал «Менск | Завадскі раён».

Відавочцы здарэння выказалі здагадку, што падчас будаўнічых работ убітая паля прабіла каналізацыю, і вада затапіла паркоўку, на якой стаяла нямала аўтамабіляў.

— Прамзона Шабаны, дзе стаянка Rudolf Riegler і непадалёк яшчэ была стаянка «Еўраопта», прынамсі нейкі час таму. Аўто затапіла. Бацька ў рэйсе, ён сказаў, што ў працоўным чаце з'явілася інфармацыя. Я пад'ехаў: тут быў нармальны ўзровень вады. Шмат ужо адкачалі, але пытанне: па чыёй віне ўсё гэта? У бацькі аўто высокае, з ім, хутчэй за ўсё, нічога не здарыцца. Ды і Volvo ёсць Volvo. А з Peugeot, які побач стаяў, мне здаецца, будзе нешта сумнае, - піша відавочца.

У «Менскводаканал» заявілі, што інфармацыя аб прарыве каналізацыі недакладная.

«Пры правядзенні будаўніча-мантажных работ быў пашкоджаны трубаправод. Нашы супрацоўнікі аператыўна лакалізавалі пашкоджаны ўчастак», - распавёў галоўны інжынер прадпрыемства Антон Галаскок..

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]