Самалёт «Белавіі» з ліўрэяй хакейнага «Дынама» не даляцеў да Калінінграда

Што здарылася.

Самалёту "Белавія”, які быў стылізаваны пад менскае “Дынама", што выступае ў Кантынентальнай хакейнай лізе, давялося вярнуцца на аэрадром вылету праз трэснутае шкло. Пра гэта паведамляе тэлеграм-канал «Авиаторщина».

24 лістапада перафарбаваны ў ліўрэю «Дынамалёт» Embraer 195 накіроўваўся з Менска ў расейскі Калінінград. Але на вышыні 9100 мэтраў над Сланцаўскім раёнам Ленінградскай вобласці трэснула шкло кабіны пілотаў з боку камандзіра паветранага судна. Пастанавілі знізіцца да 6100 мэтраў, перапыніць палёт і вярнуцца назад у Менск. Сігналы бедства і пільнасці не падаваліся. Праз паўтары гадзіны борт паспяхова прызямліўся ў беларускай сталіцы. Цяпер у "Дынамалёце" трэба замяніць шкло.

Нагадаем, самалёт “Белавіі" Embraer 195 атрымаў эксклюзіўную ліўрэю ў сярэдзіне лістапада гэтага года. На фюзеляж, афарбаваны ў чорна-блакітныя колеры сталічнага клуба, нанесеныя нацыянальны арнамент і выява зубра — сымбаля клуба. Першымі пасажырамі абноўленага самалёта сталі хакеісты "Дынама", якія адпраўляліся на матч КХЛ. Паведамлялася, што паветранае судна будзе абслугоўваць рэгулярныя і чартарныя рэйсы, павялічваючы пазнавальнасць клубнай маркі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]