Беларускі лекар расказаў, што выклікае алергію восенню і зімой

Для некаторых людзей сыр з цвіллю – зусім не далікатэс.

Чаму і ў халодны час года ў некаторых людзей абвастраецца алергія, расказаў БелТА загадчык алергалагічнага аддзялення 4-й дзіцячай лякарні Менска Дзмітрый Буза.

У першую тройку найболей распаўсюджаных алергенаў уваходзяць пылавыя кляшчы, пылок і поўсць жывёлаў. А вось на чацвёртым месцы плесневыя грыбы.

Вонкавая, унутраная і нават сырная цвіль

На адкрытым паветры высокая канцэнтрацыя спораў цвілі прыпадае на лістапад праз апалае лісце. Менавіта праз гэта некаторым восеньскія шпацыры прыносяць дыскамфорт.

Сімптаматыка ў алергіі на цвіль такая самая, як і ў рэакцыі на пылок. Гэта чханне, насмарк, кашаль.

«Алергенам можа быць і “ўнутраная” цвіль... Збор плесневых грыбоў выяўляецца чорнымі кутамі, палосамі на швах паміж пліткамі ў ваннай, столі ці мэблі, плямамі на падлозе і сценах, каляровымі разводамі на глебе пакаёвых раслінаў», – тлумачыць лекар.

З такімі алергенамі чалавек кантактуе цэлы год. Але найболей высокая канцэнтрацыя цвілі прыпадае таксама на восеньска-зімовы перыяд. Усё праз дрэнную вентыляцыю памяшканняў.

Алергічную рэакцыю таксама могуць выклікаць сыр з цвіллю, квашаная капуста, квас, дражджавое цеста.

З першага года жыцця

Алергія на цвіль можа праявіцца з першага года жыцця.

«Абвастрэнне правакуе звычайна спалучэнне некалькіх чыннікаў. Напрыклад, чалавек трапляе ў памяшканне або асяроддзе з высокай канцэнтрацыяй цвілі і паралельна пераносіць інфекцыю – яна агаляе слізістыя, якія становяцца больш успрымальнымі да алергену», – адзначае Буза.

Алергію на цвіль выяўляюць праз аналіз крыві.

Цвіль у ваннай

Чорная цвіль у ваннай можа выклікаць не толькі алергію. Паводле словаў Дзмітрыя Бузы, плесневы грыбок – патагенны мікраарганізм, які правакуе пашкоджанне дыхальных шляхоў.

Асабліва гэта небяспечна для людзей з аслабленым імунітэтам.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]