Пакупнікі з Беларусі скардзяцца на тое, што пасылкі з AliExpress «захраслі»

У чым можа быць прычына?

Пакупнікі кітайскай анлайн-крамы AliExpress скардзяцца на доўгія тэрміны дастаўкі пасылак у Беларусь. «Люстэрка» расказвае, колькі ім даводзіцца чакаць і ў чым можа быць прычына.

«Пасылка больш за шэсцьдзесят дзён у дарозе»

У тэматычных суполках карыстальнікі скардзяцца на тое, што ў Беларусь не даходзяць некаторыя пасылкі з AliExpress. Мяркуючы з паведамленняў карыстальнікаў, агульная прыкмета захрасання адпраўленняў – трэк-нумары, якія пачынаюцца з сімвалаў CNG.

– З верасня рэзка перасталі прыходзіць пасылкі, трэк-нумар якіх пачынаецца на CNG. З іншым трэкам хутка прыходзяць. Раней не было такога, – напісала карыстальніца «УКантакце» Наталля.

– Такая ж гісторыя, – адказаў ёй карыстальнік Ігар. – Пасылка больш за шэсцьдзесят дзён у дарозе, і невядома, прыйдзе ці не.

– І ў мяне дзве пасылкі з такім трэкам затрымаліся невядома дзе. Няма адсочвання з 6 верасня. Спрэчку адкрыць сістэма не дае, – піша Ірына.

На форуме, прысвечаным атрыманню пасылак, удакладняюць: такія адпраўленні перамаркіруюць – гэта значыць прысвойваюць іншы трэк-нумар. Даведацца новы нумар можна праз спецыялізаваныя анлайн-сэрвісы – напрыклад, праграму TrackChecker або сайт Postal Ninja.

Дзе захрасаюць пасылкі і што рабіць?

Новы трэк-нумар можа даць падказку, калі чакаць пасылку, звярнуў увагу адзін з карыстальнікаў форуму.

Калі апошнія літары ў нумары UZ – значыць, адпраўленне сышло праз Узбекістан, такія пасылкі «ў сярэднім за тры тыдні прыходзяць з улікам часу на адпраўку». А вось калі нумар заканчваецца літарамі TW – значыць, пасылку дастаўляюць праз Тайвань і трэба прыгатавацца да доўгага чакання.

— У мяне з Тайваня нічога не прыходзіць ужо месяцы тры амаль, – расказаў карыстальнік Krent. – Гэта значыць, як у бездань. Паказвае, што прыйшлі нібыта ў Беларусь <… > і далей знікаюць. Зразумела, што і не трэба пасля. Самае дрэннае, што ў прадаўцоў не відаць, дзе адпраўляюць праз Тайвань. Калі TW, то як у ваду. Усе астатнія нармальна даходзяць, UZ і інш. Спрэчкі пакуль не адкрываў, таму што там усякая дробязь.

Карыстальнікі форуму раяць сачыць за «тэрмінам абароны» ў замове на AliExpress. Калі гэты тэрмін скончыўся – можна адкрыць «спрэчку» з прадаўцом і папрасіць вярнуць грошы.

– У мяне таксама пучок дробных пасылак з Кітая спазніўся (не прыйшоў), самая першая 84 дні ўжо «ў дастаўцы». Вось на гэтым тыдні ў спрэчцы перамагла, – напісала карыстальніца пад нікам petrikom.

Дарэчы, як мінімум два карыстальнікі расказалі, што ўсё ж такі дачакаліся дастаўкі тавараў, «якія захраслі» падчас дастаўкі праз Тайвань. У абодвух чаканне заняло блізу трох з паловай месяцаў. Адзін з іх падзяліўся, што паспеў атрымаць вяртанне грошай.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]