У Гомелі прайшла хваля «палітычных» арыштаў

Частка былых актывістаў ужо месяц пад арыштам, частка — пад крымінальным пераследам.

Хваля "палітычных" арыштаў, якая прайшла па Гомелі ў канцы кастрычніка — пачатку лістапада, не скончылася звыклымі “арыштамі” і штрафамі за “падпіскі”. Як стала вядома «Флагштоку», большасць затрыманых дагэтуль трымаюць у зняволенні, прычым некаторых перавялі ў следчы ізалятар і абвінавачваюць паводле крымінальных артыкулаў.

"Мы не можам назваць прозвішчы рэпрэсаваных і абвінавачванні, якія ім выстаўляюць, але можам канстатаваць, што было затрымана больш за дзесяць чалавек, сярод якіх ёсць былыя палітвязні”, — піша выданне.

Адзначаецца, што большасць затрыманых – гэта людзі, якія не праяўлялі ніякай актыўнасці ў апошнія гады, але вядомыя як удзельнікі дэмакратычнага руху яшчэ да пратэстаў 2020 года.

Пакуль вядома як мінімум пра дзве крымінальныя справы і пра тое, што некаторым з затрыманых ужо тры разы запар прысуджалі адміністрацыйны арышт за нібыта наяўнасць падпісак у сацсетках на старонкі, абвешчаныя “экстрэмісцкімі”.

Напрыклад, так было з Марыяй Тульжанковай, якую чарговы раз асудзілі 25 лістапада — яе справа з'явілася ў раскладзе суда Цэнтральнага раёна Гомеля. Пастанову выносіў суддзя Аляксандр Піскуноў. Амаль ва ўсіх астатніх выпадках у расклад не ўносілі працэсы па “палітычных" затрыманых і судзілі цішком.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]