Больш за 250 км гірляндаў агорне Менск ужо ў першай дэкадзе снежня

Гэта заўважна больш, чым летась.

Падаецца, што Менск ужо пачаў апранацца ў святочную ілюмінацыю. Але ці тое яшчэ будзе.

Паводле папярэдняй інфармацыі на 1 лістапада 2024 года, па горадзе развесяць 253 км гірляндаў, распавёў прадстаўнік «Менгарсвятла» Яўген Стасяловіч, пішуць «Минск-Новости».

Гэта на 12% больш, чым у 2023 годзе. Але дакладную працягласць менскіх гірляндаў агучаць толькі 1 студзеня 2025 года.

Саму святочную ілюмінацыю ў беларускай сталіцы плануюць уключыць у першай дэкадзе снежня. Дакладнага графіка пакуль няма, але спецыялісты запэўнілі, што мантаж скончаць да 9-га чысла.

Як бывала ў мінулыя гады, сталіца пачынала ў поўнай красе ззяць навагоднімі агнямі з 10 снежня. Яркае свята працягвалася да 15 студзеня.

У звычайныя дні ілюмінацыя будзе працаваць прыблізна з 17:00 да 23:00. У святы - да світання.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]