У Ізраілі тэрарыст ХАМАС абстраляў цывільны аўтобус

Восем чалавек параненыя, стралка ліквідавалі.

Тэрарыст ХАМАС адкрыў агонь па цывільным аўтобусе на Заходнім беразе ракі Ярдан у пятніцу, 29 лістапада. У выніку нападу сама меней восем чалавек атрымалі раненні, трое з іх – у цяжкім стане, паведамляе The Times of Israel.

Як паведаміла служба хуткай дапамогі, падчас нападу чатыры чалавекі атрымалі лёгкія траўмы ад разбітага шкла.

Брыгады Аль-Касам, ваеннае крыло ХАМАСу, узялі на сябе адказнасць за стральбу і апублікавалі імя стрэлка. Гэта 46-гадовы Самір Мухамад Ахмад Хусэйн.

Адзначаецца, што нападнік мог дзейнічаць у складзе групы або атрымаў зброю і транспартны сродак ад суўдзельнікаў для здзяйснення нападу. Аднак, паводле вынікаў абследавання мясцовасці паблізу скрыжавання, дзе адбыўся інцыдэнт, войска выключыла магчымасць удзелу іншага тэрарыста.

Паводле папярэдняга расследавання ЦАХАЛу, Хусэйн выехаў з раёна Наблуса па дарозе, дзе адсутнічаюць унутраныя кантрольныя пункты, спыніў аўтамабіль на збочыне дарогі і, падышоўшы да аўтобуса, адкрыў агонь.

Сілы Цахала, дыслакаваныя ў гэтым раёне, абясшкодзілі нападніка.

Пасля пачатку вайны ў Газе 7 кастрычніка 2023 года на Заходнім беразе ракі Ярдан, які знаходзіцца пад кантролем ізраільскіх сілаў бяспекі, назіраецца значны рост гвалту, зазначае выданне.

2 кастрычніка амбасадар Украіны ў Ізраілі Яўген Карнійчук паведаміў, што ў выніку страляніны ў ізраільскім Тэль-Авіве загінулі сем чалавек, пацярпелі 16 – сярод іх грамадзянка Украіны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]