Францыя паскорыла працэс перадачы Украіне знішчальнікаў Mirage

Таксама Парыж дапаможа ўзмацніць украінскую супрацьпаветраную абарону.

Францыя пагадзілася паскорыць працэс паставак ва Украіну знішчальнікаў Mirage. Таксама Парыж дапаможа ўзмацніць украінскую супрацьпаветраную абарону.

Пра гэта паведамляе прэзідэнт Украіны Уладзімір Зяленскі ў Telegram.

Паводле словаў кіраўніка дзяржавы, ён правёў перамовы з французскім калегам Эмануэлем Макронам.

«Падзякаваў за гатоўнасць Францыі дапамагчы з неадкладным узмацненнем супрацьпаветранай абароны Украіны, а таксама за комплексную абаронную падтрымку і паскарэнне працэсу перадачы самалётаў Mirage», – напісаў Зяленскі.

Як адзначыў украінскі прэзідэнт, ён цэніць, што Францыя разумее выклікі, з якімі сутыкаецца Украіна. У ходзе перамоваў было дэталёва абмеркаванае пытанне таго, як узмацніць украінскую СПА.

«Я падкрэсліў важнасць запрашэння Украіны ў NATO, пашырэння дальнабойных магчымасцяў – не толькі як неабходнага захаду ў супрацьдзеянні расейскай агрэсіі, але і для набліжэння міру», – удакладніў Зяленскі.

Ён дадаў, што таксама абмяркоўвалася прадаўжэнне падрыхтоўкі і аснашчэння ўкраінскіх брыгадаў як на тэрыторыі краінаў NATO, так і праз развіццё ідэі аб трэніровачных місіях на тэрыторыі Украіны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]