Пратэстоўцы пайшлі на штурм парламента Грузіі

Адбыліся жорсткія сутыкненні з паліцыяй.

У пятніцу ўвечары прыхільнікі апазіцыі выйшлі на чарговую шматтысячную вулічную акцыю пратэсту ў Тбілісі і іншых грузінскіх гарадах супраць вынікаў парламенцкіх выбараў, на якіх, паводле звестак ЦВК, перамагла прарасейская кіроўная партыя «Грузінская мара».

Сярод іншага, у сеціве з'яўляюцца кадры з грузінскай сталіцы, на якіх пратэстоўцы спрабуюць адчыніць браму будынка парламента. У адказ сілавікі ўжываюць вадамёты, збіваючы мітынгоўцаў з ног струменем вады.

«У гэтыя хвіліны некалькі пратэстоўцаў, нягледзячы на вадамёт, які працуе з унутранага двара, спрабуюць адчыніць браму ў Парламент Грузіі на Чычынадзэ», – піша Tbilisi life.

Таксама паведамляецца, што ў вадзе, якой пратэстоўцаў паліваюць з вадамётаў, утрымліваецца перац. Да пачатку разгону пратэстоўцаў вадамётамі, спецназ выкарыстоўваў пярцовы спрэй.

Спецназ паспрабаваў адагнаць удзельнікаў акцыі пратэсту ад будынка парламента, мітынгоўцы, у сваю чаргу, пачалі распальваць вогнішчы, сустракаючы сілавікоў. Грузінскія паблікі адзначаюць жорсткасць дзеянняў паліцыі ў дачыненні не толькі да пратэстоўцаў, але і да журналістаў. Сярод іншага, паведамляецца пра збіццё здымачнай групы тэлеканала «Пірвелі».

Тым часам прэзідэнтка Грузіі Саламэ Зурабішвілі заклікала супрацоўнікаў паліцыі адмовіцца ад ужывання сілы ў дачыненні да суграмадзянаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]