У Нідэрландах атакавалі футбольных заўзятараў з Ізраіля
- 8.11.2024, 9:42
- 4,582
Нападнікі крычалі прапалестынскія лозунгі.
У Амстэрдаме (Нідэрланды) невядомыя напалі на заўзятараў ізраільскага клуба "Макабі", які 7 лістапада згуляў у рамках Лігі Еўропы з мясцовым "Аяксам". Пацярпелі блізу 10 чалавек, піша CNN.
Як паведамляе пасольства Ізраіля ў ЗША, сотні фанатаў ізраільскай футбольнай каманды "трапілі ў засаду і пацярпелі ад нападу ў Амстэрдаме". Усё адбылося, калі госці з Ізраіля пакідалі стадыён пасля матчу Лігі Еўропы.
Міністр замежных спраў Ізраіля Гідэон Саар паведаміў, што раненні атрымалі 10 грамадзян, і параіў ізраільцянам у Амстэрдаме заставацца ў сваіх гатэлях.
Саар таксама папрасіў міністра замежных спраў Нідэрдандаў Каспара Велдкампа дапамагчы даставіць ізраільцян з гатэляў у аэрапорт.
8 лістапада Біньямін Нетаньяху правёў тэлефонную размову з прэм'ер-міністрам Нідэрландаў Дзікам Схофам, піша тэлеграм-канал «Сёння ў Ізраілі».
Прэм'ер-міністр падкрэсліў выключную важнасць таго, каб урад Нідэрландаў гарантаваў бяспеку ўсіх ізраільцян, якія знаходзяцца ў Нідэрландах, уключаючы пацярпелых у выніку гэтых падзей.
Нетаньяху адзначыў, што ён вельмі сур'ёзна ставіцца да спланаванага антысеміцкага нападу на грамадзян Ізраіля, і папрасіў узмацніць меры бяспекі для габрэйскай грамады ў Нідэрландах.
⚠️ Graphic videos ⚠️
— Embassy of Israel to the USA (@IsraelinUSA) November 8, 2024
Hundreds of fans of the @MaccabiTLVFC soccer team were ambushed and attacked in Amsterdam tonight as they left the stadium following a game against @AFCAjax.
The mob who targeted these innocent Israelis has proudly shared their violent acts on social media.… pic.twitter.com/R3vRAIKrIG
Уночы пятніцы міністэрства замежных спраў Ізраіля адзначала, што ў сувязі з інцыдэнтам затрыманыя амаль 30 чалавек. Аднак у іх заяве не было пазначана, каго менавіта затрымалі. У сваю чаргу, паліцыя Амстэрдама паведамляла ўвечары 7 лістапада, што ўзмацніла меры бяспекі ў горадзе, і расказала аб інцыдэнце, як нехта сцягнуў сцяг Палестыны з фасада аднаго будынка ў горадзе.
Нагадаем, 7 лістапада ў Амстэрдаме ў рамках 4-га тура Лігі Еўропы сустракаліся "Аякс" і "Макабі". Матч скончыўся з лікам 5:0 на карысць "Аякса".
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
