Дзе ў Менску жыве больш за ўсё кажаноў

Ёсць дзве важныя мясціны.

Кожную зіму рэабілітацыйны цэнтр для кажаноў "КажанаПоліс" прымае ад 100 да 150 асобін.

Пра гэта паведаміў яго заснавальнік і старшы навуковы супрацоўнік НПЦ Нацыянальнай акадэміі навук у біярэсурсах Аляксей Шпак.

У каментары агенцтву "Мінск-Навіны" ён адзначыў, што кажаноў прывозяць з усёй Беларусі.

У сталіцы часцей за ўсё іх знаходзяць у новабудоўлях комплексаў "Мінск Мір" і "Маяк Мінск", бо крылатыя аддаюць перавагу сяліцца ў гмахах.

Спецыяліст зазначыў, што беларускія віды рукакрылых даўно прыстасаваліся да жыцця ў гарадах.

Яны жывуць у шчылінах паміж бетоннымі перакрыццямі і за ашалёўкамі гаўбцоў. Часцей за ўсё іх выяўляюць зімой, калі яны ў спячцы.

Аляксей Шпак таксама распавёў, што, калі вы знайшлі кажана на гарышчы ці балконе, не варта выкідваць яго на вуліцу, бо ён загіне на марозе.

Лепш перадаць яго ў "КажанаПоліс". Там кажана змесцяць у спецыяльны мяшочак і пакінуць у звычайнай лядоўні да вясны.

У пачатку красавіка рукакрылых выпускаюць назад у прыроду.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]