«Пасля Сірыі можа ўдарыць па Крыме»: У Расеі запанікавалі праз Эрдагана

Прапагандысты завылі праз «здраду» Анкары.

У Расеі ўчынілі істэрыку праз падтрымку турэцкім прэзідэнтам Рэджэпам Таіпам Эрдаганам паўстанцкіх сілаў у Сірыі. Расейцы скардзяцца, што пасля Сірыі пад удар Турцыі можа трапіць акупаваны Крым.

Пры гэтым расейцы пагражаюць Турцыі «годным адказам». Пра гэта паведамляюць крамлёўскія прапагандысцкія Telegram-каналы са спасылкай на крыніцы ў Мінабароны і МЗС РФ, піша «Обозреватель».

Крыніцы ў расейскай тэрарыстычнай установе заявілі, што Турцыя нібыта «здрадзіла» Расеі пасля таго, што адбылося ў Алепа. Пры гэтым расейцы цяпер баяцца, што пасля падзей у Сірыі ад Эрдагана можна чакаць «чаго заўгодна». Сярод іншага, расейцы асцерагаюцца, што Турцыя будзе спрыяць Украіне ў дэакупацыі паўвострава.

«Ёсць падставы думаць, што будуць арганізаваныя сур'ёзныя праблемы ў Крыме. Дапамогай ворагу могуць быць навядзенне ракетаў і беспілотнікаў на важныя аб'екты на паўвостраве, выведная інфармацыя і нават, магчыма, нейкія дзеянні, звязаныя са зброяй. Хоць наконт узбраенняў пацверджання інфармацыі пакуль няма», – выдалі прапагандысты.

Таксама крамлёўскія рупары сцвярджаюць, што асцярогі наконт Турцыі выказалі ў Міністэрстве замежных справаў РФ. Акупанты паскардзіліся, што Эрдаган нібыта хоча кантролю над Крымам, і перадае сігналы, што там будзе «вельмі цяжка жыць».

«Гэта фактычна шантаж, спадзяюся, мы знойдзем на яго годны адказ. Таму цяперашнія пагрозы варта ўспрыняць сур'ёзна. І вайскоўцам, і палітыкам з турэцкай праблемай трэба нешта вызначаць, і ўсім жыхарам Крыма і Севастопаля», – заявілі крамлёўскія прапагандысты.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]