Новыя ўлады Сірыі заклікалі бежанцаў вяртацца ў краіну

Новы ўрад запэўніў у абароне ўсіх меншасцяў.

Новы ўрад Сірыі запэўніў у абароне ўсіх меншасцяў. А сірыйскіх бежанцаў заклікалі вяртацца дадому.

Пра гэта паведамляе The Guardian.

Выданне паведаміла, што новы прэм'ер-міністр Сірыі заявіў, што альянс, які зрынуў дыктатара Башара Асада, «будзе гарантаваць» правы ўсіх рэлігійных групаў і заклікаў мільёны людзей, якія ўцяклі ад вайны, вярнуцца дадому.

Заўважым, што на мінулым тыдні Асад уцёк з Сірыі пасля вокамгненнага наступу, які ўзначаліла групоўка «Хаят Тахрыр аш-Шам» (ХТШ) і яе хаўруснікі.

The Guardian адзначыла, што пасля звяржэння Асада, якое апусціла Сірыю ў невядомасць, яе новыя кіраўнікі спрабуюць запэўніць прадстаўнікоў рэлігійных меншасцяў краіны, што яны не будуць іх рэпрэсаваць.

Яны таксама паабяцалі аднавіць справядлівасць для ахвяраў жалезнага кіравання Асада, а лідар ХТШ Ахмед аш-Шараа, таксама вядомы як Абу Махамед аль-Джолані, паабяцаў у сераду, што чыноўнікі, якія маюць дачыненне да катаванняў затрыманых, не будуць памілаваныя.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]