На волю выйшла былая галоўная рэдактарка Ірына Леўшына

Яна цалкам адбыла тэрмін.

На волю выйшла былая галоўная рэдактарка БелаПАН Ірына Леўшына, паведамляе БАЖ.

Яна цалкам адбыла тэрмін. Паводле інфармацыі праваабарончага цэнтру “Вясна”, Леўшына вызвалілася 7 снежня.

Ірыну Леўшыну затрымалі 18 жніўня 2021 года. Яе абвінавачвалі паводле ч. 1 арт. 361-1 Крымінальнага кодэкса - у стварэнні або кіраўніцтве "экстрэмісцкім фармаваннем". Улады прызналі інфармацыйнае агенцтва БелаПАН “экстрэмісцкім фармаваннем” толькі праз тры месяцы пасля затрымання Леўшынай.

Суд у "справе БелаПАН" пачаўся 6 чэрвеня 2022 года ў Менскім абласным судзе і доўжыўся чатыры месяцы. Суддзя Вячаслаў Тулейка 6 кастрычніка вынес прысуд: Ірыне Леўшынай прызначылі 4 гады пазбаўлення волі з адбываннем у папраўчай калоніі агульнага рэжыму.

Таксама паводле “справы БелаПАН” былі вынесеныя прысуды: журналісту і медыямэнэджару Андрэю Аляксандраву — 14 гадоў калоніі; ягонай жонцы Ірыне Злобінай - 9 гадоў калоніі; экс-дырэктару БелаПАН Дзмітрыю Наважылаву — 6 гадоў калоніі.

У пачатку 2023 года Вярхоўны суд разгледзеў апеляцыйную скаргу фігурантаў "справы БелаПАН". Суддзя Андрэй Кавальчук пакінуў прысуды ў дзеянні. Неўзабаве Ірыну Леўшыну этапавалі ў жаночую папраўчую калонію № 4 у Гомелі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]