ЗША выставілі ультыматум Сербіі дзеля сувязі з «Газпромам»
6- 11.01.2025, 20:55
- 11,448
На выкананне далі 45 дзён.
ЗША патрабуюць поўнага выхаду расейскага капіталу з сербскай нафтавай кампаніі NIS. Пра гэта паведаміў прэзідэнт Сербіі Аляксандр Вучыч, інфармуе балканская служба «Радыё Свабода».
Паводле слоў Вучыча, ЗША "не дапускаюць магчымасці прысутнасці 49% або менш расейскага капіталу" ў NIS. "На ўсе аперацыі ў нас будзе толькі 45 дзён, пасля чаго санкцыі ўступяць у поўнае дзеянне", - дадаў Вучыч.
NIS патрапіла пад другасныя санкцыі ЗША ўчора, 10 студзеня, праз сувязі з расейскай "Газпром нефть", якая разам з "Газпромам" валодае 56,15% акцый NIS. Яшчэ 29,87% належаць Сербіі. Раней Вучыч заяўляў аб ахвоце краіны выкупіць расейскую дзель ацэначнай вартасцю прыкладна 700 мільёнаў еўраў. Цяпер ён анансаваў перамовы з прэзідэнтам Расеі Уладзімірам Пуціным.
Вучыч назваў санкцыі ЗША "цяжкімі і сур'ёзнымі" і сказаў, што папросіць будучую амэрыканскую адміністрацыю перагледзець пастанову і паспрабаваць знайсці "змякчальныя абставіны".
Дзяржаўны дэпартамент ЗША ў адказ заявіў, што з Расеяй няма "звычайнага бізнэсу". ЗША «па-ранейшаму адданыя таму, каб перашкаджаць даходам Расеі, закупачным і фінансавым сеткам, якія тая выкарыстоўвае для падтрымкі вайны супраць Украіны», гаворыцца ў паведамленні Дзяржаўнага дэпартамента.
Энэргетычны сэктар Сербіі значна залежыць ад Расеі. "Газпром" з'яўляецца адзіным прадаўцом газу ў краіну і асноўным уладальнікам абодвух газаправодаў, па якіх расейскі газ дастаўляецца ў дамы і на прадпрыемствы Сербіі. Апошняе пагадненне аб газавых пастаўках, укладзенае ў траўні 2022 года, заканчваецца ў сакавіку 2025 года.
З пачатку расейскага ўварвання ва Украіну Бялград адмовіўся далучыцца да заходніх санкцый супраць Масквы і далей падтрымлівае сувязі з чыноўнікамі ў Крамлі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
