100 гадоў таму пісьменнік-фантаст зрабіў дзіўна дакладныя прароцтвы на 2025-ы год

Некаторыя прадказанні ўжо пачалі збывацца.

Пісьменнікі-фантасты мінулых стагоддзяў зрабілі шэраг шакавальных прароцтваў, якія спраўдзіліся, хоць засяленне космасу або стварэнне робатаў-дварэцкіх яшчэ наперадзе, піша IFLScience.

Арчыбальд Лоў, які нарадзіўся ў Лондане ў 1888 годзе, быў наватарам у многіх абласцях. Ён стварыў першы прататып тэлевізара ў 1914 годзе, а ў час Першай сусветнай вайны распрацаваў першы ў свеце беспілотны самалёт. Лоў, вядомы як «бацька сістэм радыёнавучання», таксама актыўна займаўся футуралогіяй. У сваёй кнізе «Будучыня» (1925) ён апісаў, як будзе выглядаць жыццё ў 2025 годзе. Ягоныя прагнозы нярэдка з'яўляліся ў тагачасных брытанскіх газетах.

Сярод самых цікавых прадказанняў Лоў:

- смартфоны: Лоў апісаў «аўтаматычныя тэлефоны», якія «кожны раз набіраюць патрэбны нумар», прадказаўшы зручнасць сучасных гаджэтаў;

- рухомыя ходнікі: цяпер гэта звыклая з'ява ў аэрапортах і гандлёвых цэнтрах;

- тэлевізійныя навіны: ён меркаваў, што «тэлевізійная машына заменіць паперу з выявамі», а навіны будуць дастаўляцца праз «гучнагаварыцелі»;

- бесправадныя будзільнікі: Лоў прадбачыў іх з'яўленне, хоць памылкова меркаваў, што ўсе яны будуць настроены на 9:30 раніцы;

- аднаўляльная энэргія: Навуковец заяўляў, што энэргія ветру і прыліваў будзе выкарыстоўвацца на карысць чалавецтва.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]