Адзін з беларускіх банкаў аднавіў прыём на інкаса даляраў ЗША і еўраў

Цяпер можна здаць пашкоджаныя купюры для абмену.

«Беларусбанк» аднавіў прыём на інкаса даляраў ЗША і еўраў. Цяпер можна здаць пашкоджаныя купюры для абмену. Раней банк прымаў на інкаса толькі расейскія рублі.

Згодна з новымі правіламі, банкноты даляраў ЗША, еўраў і расейскіх рублёў, якія маюць пашкоджанні, прымаюцца з камісіяй у суме 5% ад сумы валюты ў эквіваленце беларускіх рублёў, але не менш як 25 рублёў. Акрамя таго, кліент павінен кампенсаваць банку выдаткі, звязаныя з адпраўкай купюр у банк- контрагент.

Калі ж банк не зможа адправіць купюры на экспертызу цягам 6 месяцаў, то кліенту вернуць грошы і камісію, запэўнілі ў банку.

Выплату сродкаў па рэалізаванай замежнай валюце кліенту выканаюць у той жа валюце, якую ён здаў, або ў той валюце, якую банк атрымаў ад банка-контрагента ў якасці кампенсацыі.

Калі пры абмене кліенту належыць сума, меншая за мінімальны намінал банкноты, то гэта дробавая частка будзе выплачаная ў манетах (калі яны ёсць у касе) або ў беларускіх рублях устаноўленым банкам курсам.

Варта адзначыць, што большасць беларускіх банкаў яшчэ ў 2022 годзе перасталі абменьваць пашкоджаныя замежныя банкноты. Гэта звязанае з санкцыйнымі абмежаваннямі і, як вынік, з цяжкасцямі ў вяртанні купюр у банк-эмітэнт.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]