Навукоўцы высветлілі, калі піць каву карысней за ўсё

Амерыканскія навукоўцы правялі дзесяцігадовыя назіранні.

Згодна з новым даследаваннем, ранішняе ўжыванне кавы найбольш карыснае для здароўя. Амерыканскія навукоўцы правялі дзесяцігадовыя назіранні за 40 тысячамі чалавек, беручы да ўвагі генетыку, хранічныя захворванні і харчовыя звычкі, і прыйшлі да высновы, што ранішняя кава зніжае верагоднасць заўчаснай смерці на 16%, паведамляе ў Independent.

Даследаванне таксама паказала, што ўжыванне кавы не павялічвае верагоднасць захворванняў сэрца і сасудаў, а наадварот, можа зніжаць рызыку развіцця хранічных хваробаў, такіх як дыябет. Асабліва прыкметны эфект у зніжэнні рызыкі сардэчна-сасудзістых захворванняў – на 31% у тых, хто п'е каву выключна раніцай.

Пры гэтым навукоўцы адзначаюць, што не было выяўлена зніжэння рызыкі ў тых, хто п'е каву цягам усяго дня ў параўнанні з тымі, хто не п'е каву ўвогуле.

Магчымае тлумачэнне гэтага можа заключацца ў тым, што ўжыванне кавы днём ці ўвечары можа парушыць цыркадныя рытмы і ўплываць на ўзровень мелатаніну і іншых гармонаў. Гэта, у сваю чаргу, можа ўплываць на рызыку з'яўлення сардэчна-сасудзістых захворванняў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]