Байдэн: Тактычная ядзерная зброя спалохала Пуціна

Прэзідэнт ЗША расказаў аб сваёй размове з кіраўніком Крамля ў пачатку вайны.

Выкарыстання ядзернай зброі баяцца ўсе ў Еўропе, уключаючы Расею. Тым не менш расейскі дыктатар Уладзімір Пуцін разглядаў нанясенне такога ўдару па Украіне.

Пра гэта заявіў прэзідэнт ЗША Джо Байдэн у інтэрв'ю амерыканскаму тэлевядоўцу канала MSNBC Лоўрэнсу О’Донэлу ў Авальным кабінеце.

У кіраўніка Белага дома спыталі аб тым, ці размаўляў ён з Пуціным аб тым, каб дыктатар не выкарыстоўваў тактычную ядзерную зброю ва Украіне. Байдэн адказаў, што такая размова ў іх была.

«Калі ён (Пуцін - рэд.) пачаў казаць пра тактычную ядзерную зброю, я сказаў, што ён хоча выкарыстоўваць яе. Тады ён адказаў: «Не, я не хачу гэтага рабіць». Тактычная ядзерная зброя палохае ў Еўропе ўсіх, у тым ліку расейцаў», - сказаў прэзідэнт ЗША.

Са слоў Байдэна, ён запэўніў Пуціна ў тым, што ва Украіны не засталося ядзернай зброі. Ён дадаў, што расейскі дыктатар баіцца таго, што Кіеў «ужо заўтра ўдарыў бы ядзернымі ракетамі па Маскве», калі б ва ўкраінцаў была такая магчымасць.

«Я запэўніў яго, што там (ва Украіне - рэд.) няма ніякай ядзернай зброі і мы не вернем яе. Я сказаў, што яны не стануць часткай NАТО, пакуль не зменяць сваю сістэму. Мы працягнем дапамагаць ім расці, калі можам. Але ў адказ на гэта ты (Пуцін - рэд.) не нападзеш на іх і не забярэш іх тэрыторыю», - заявіў Байдэн.

Прэзідэнт ЗША дадаў, што ведаў аб тым, што Пуцін усё ж наважыцца ўварвацца ва Украіну, але многія супольнікі не верылі ў гэта.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]