Ілан Маск назваў «забаўкай» выбух ракеты касмічнага карабля SpaceX
30- 18.01.2025, 11:19
- 6,744
Мільярдэр агучыў прычыну.
Нядаўняе выпрабаванне ракеты Starship, якая з'яўляецца самай вялікай і магутнай ракетай-носьбітам у свеце, скончылася тым, што верхняя ступень распалася над Атлантычным акіянам.
Блізу 10-й хвіліны палёту верхняя ступень сутыкнулася з анамаліяй у працы рухавіка, у выніку чаго ён зламаўся, піша Newsweek.
У той самы час Ілан Маск апублікаваў відэа выбуху і напісаў: «Поспех нявызначаны, але забаўка гарантаваная!»
У выданні нагадалі, што гэта ўжо сёмае выпрабаванне карабля Starship, які павінен вярнуць астранаўтаў NASA на Месяц да канца гэтага дзесяцігоддзя. Нягледзячы на тое, што за апошнія некалькі гадоў SpaceX дасягнула вялікага поспеху, апошняя няўдача сведчыць пра выклікі і амбіцыі касмічнай праграмы кампаніі.
«Канчатковая мэта Маска – дасягнуць Марса – залежыць ад поспеху Starship, які павінен стаць цалкам шматразовай касмічнай транспартнай сістэмай», – падкрэслілі ў матэрыяле.
Чаму ўзарваўся Starship?
Паводле папярэдніх звестак, выбух адбыўся праз выцечку кіслароду/паліва ў паражніны над брандмаўарам рухавіка, у выніку чаго адбыўся пажар, які перапоўніў сістэму вентыляцыі, паведамляў Ілан Маск.
«Карэктавальныя захады, уключаючы тушэнне пажару і павелічэнне прапускной здольнасці вентыляцыі, ужо плануюцца для наступнага выпрабавальнага палёту», – дадалі ў выданні.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
