У Менску афіцэр запасу ўхіліўся ад набору на вайсковую службу

Цяпер яго будуць судзіць.

У суд накіраваная крымінальная справа ў дачыненні да 23-гадовага менчука, які абвінавачваецца ва ўхіленні ад набору на вайсковую службу, піша дзяржагенцтва «Менск-Навіны» са спасылкай на пракуратуру Партызанскага раёна.

Абвінавачаны – афіцэр запасу, званне яму было прысвоенае пасля заканчэння вучобы на вайсковай кафедры сталічнай ВНУ. Фігурант у ліпені летась позвай павінен быў з'явіцца ў ваенны камісарыят Партызанскага раёна для прыняцця пастановы наконт набору на вайсковую службу. Аднак малады чалавек у ваенкамат не прыйшоў, на званкі не адказваў, апраўдальных дакументаў не падаў. Больш за тое, ён не прайшоў медагляд.

У дачыненні да ўхіліста распачалі крымінальную справу. Ён растлумачыў, што ў перыяд кампаніі набору захварэў, але па медыцынскую дапамогу не звяртаўся – нібыта яго даглядала дзяўчына.

– Абвінавачаны раней да крымінальнай адказнасці не змушаўся, – пракаментаваў намеснік пракурора Партызанскага раёна Цімур Стужук. – Яму абвешчанае абвінавачанне ва ўхіленні ад мерапрыемстваў набору на воінскую службу, гэта значыць у здзяйсненні злачынства, прадугледжанага ч. 1 арт. 435 КК Рэспублікі Беларусь. Віну грамадзянін поўнасцю прызнаў, у зробленым раскаяўся.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]