Караблі NATO пачалі патруляваць Балтыйскае мора

Частка караблёў стала на якар у Міннай гавані Таліна.

Вайсковыя караблі NATO на гэтым тыдні пачалі патруляваць Балтыйскае мора. Частка караблёў стала на якар у Міннай гавані Таліна.

Пра гэта паведамляе ERR.

Вайсковыя караблі пачалі патруляванне ў рамках праграмы Baltic Guard.

У Таліне кінулі якар тры караблі NATO. Адзін з іх - фрэгат каралеўскага флоту Нідэрландаў Tromp, які ўзначальвае эскадру. Гэта зенітна-штабны карабель. У 2010 годзе Tromp удзельнічаў у антыпірацкай аперацыі ля ўзбярэжжа Афрыкі, падчас якой адпраўленая з карабля штурмавая група тройчы атакавала пірацкія судны.

У гавані каля сталіцы Эстоніі знаходзяцца яшчэ два караблі NATO - нямецкі тральшчык Datteln і гідраграфічнае судна Luymes са змяшаным нідэрландска-бельгійскім экіпажам.

Колькасць караблёў, якія ўдзельнічаюць у патруляванні Балтыйскага мора, не вызначана і будзе мяняцца ў залежнасці ад сітуацыі. Вялікую ролю ў місіі Baltic Guard адыгрывае супрацоўніцтва вайскова-марскіх сіл Эстоніі, Фінляндыі, Швецыі, Даніі, Нямеччыны, Польшчы, Літвы і Латвіі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]