Баец ГУВ расказаў аб сустрэчы з акторам-пуціністам Стывенам Сігалам у Аленаўцы

Пасля гэтага ён на два тыдні патрапіў у дысцыплінарны ізалятар.

Вайсковец Міжнароднага легіёна Галоўнай управы выведкі Мінабароны Украіны Андрэй «Трыця» распавёў «Супільнаму» аб сустрэчы з амерыканскім акторам-пуціністам Стывенам Сігалам пасля тэракту ў Аленаўцы.

Са слоў вайскоўца, пасля размовы з Сігалам ён на два тыдні трапіў у дысцыплінарны ізалятар.

Вайсковец правёў у расейскай няволі амаль 2,5 гады. З яго слоў, пасля цынічнага тэракту ў Аленаўцы да палонных прыехала нібыта міжнародная дэлегацыя, у складзе якой быў Стывен Сігал.

Паводле слоў украінскага абаронцы, Сігал прадставіўся валанцёрам і прадстаўніком міжнароднай супольнасці, якая будзе садзейнічаць больш хуткаму вяртанню байцоў ва Украіну. У той жа час рыторыка амерыканца была адчувальна прапагандысцкай.

«Я добра ведаю ангельскую мову, таму выйшаў з ёй пагутарыць сам-насам, без перакладчыка. Ён спытаў: ці хачу я вярнуцца дадому. І таксама спытаў, што я думаю пра ўкраінскі тэракт. Я сказаў, што мяркую, што гэта была не ўкраінская ракета, а загадзя закладзеная бомба», - распавёў «Трыця».

Вайсковец сказаў, што за гэта яго потым забралі ў дысцыплінарны ізалятар, як пакаранне. Там акупанты білі ўкраінскага абаронцу па тулаве і адбілі яму ногі.

«Трыця» вярнуўся з палону падчас абмену 18 кастрычніка 2024 года. Цяпер вайсковец праходзіць рэабілітацыю, а пасля плануе вярнуцца ў строй.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]