Ізраіль выпусціў з турмаў 90 палестынскіх зняволеных

Раней дадому вярнуліся тры ізраільскія закладніцы.

Ізраіль выпусціў з турмаў 90 палестынскіх зняволеных у рамках угорды з тэрарыстычным рухам ХАМАС аб спыненні агню ў сектары Газа, перадае ў ноч на панядзелак, 20 студзеня, агенцтва Reuters са спасылкай на Управу турмаў Ізраіля, якое называе вызваленых палестынцаў.

Гэтую інфармацыю пацвердзілі журналісты агенцтва AFP.

Са звестак апошніх, два аўтобусы з танаваным шклом пакінулі тэрыторыю вайсковай турмы Офер, якая знаходзіцца на Заходнім беразе ракі Ярдан.

Як піша The Times of Israel, гаворка ідзе аб вызваленні 78 жыхароў Заходняга берага ракі Ярдан і 12 жыхароў Усходняга Ерусаліма. Са звестак партала Ynet, сярод іх 69 жанчын, у тым ліку адна непаўналетняя, 8 непаўналетніх мужчынскага полу і 12 мужчын, асуджаных за даволі дробныя правапарушэнні.

За некалькі гадзін да гэтага палестынскі радыкальны рух вызваліў трох ізраільскіх закладніц: 24-гадовую Ромі Ганен, 28-гадовую Эмілі Дамары і 31-гадовую Дарон Штайнбрэхер. Іх перадалі Міжнароднаму Камітэту Чырвонага Крыжа ў рамках выканання першай фазы пагаднення паміж сторанамі ў вайне.

Са звестак Арміі абароны Ізраілю (ЦАХАЛ), вызваленыя ў суправаджэнні вайскоўцаў і супрацоўнікаў сіл бяспекі былі перавезеныя ў Ізраіль, іх чакае медыцынскі агляд для ацэнкі іх стану.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]