Амаль траціна валютнага даходу расейскіх кампаній захрасла за мяжой

Пасля ўзмацнення жорсткасці амерыканскіх санкцый.

Расейскія экспарцёры могуць не вярнуць да 30% валютнага даходу ў краіну пасля ўзмацнення жорсткасці санкцый ЗША супраць банкаўскага сектара Расеі, паведамілі РБК у кампаніі MoneyRoo, якая займаецца міжнароднымі пераводамі.

"Гэта істотная сума, якая мае негатыўны ўплыў на фінансавы стан кампаній і іх здольнасць весці далейшую дзейнасць, у тым ліку імпартныя закупкі", – кажа кіраўнік партнёр адвакацкага бюро Nordic Star Андрэй Гусеў.

Паводле ягоных слоў, праблемы з разлікамі асабліва негатыўна адбіліся на кампаніях, якія працуюць у сферы сыравіннага экспарту і высокатэхналагічнага абсталявання. Найбольш востра пытанне стаіць у разліках з краінамі, дзе традыцыйна моцныя пазіцыі даляра ЗША або дзе мясцовыя банкі шчыльна супрацоўнічаюць з амерыканскімі фінансавымі інстытутамі, адзначыў кіраўнік партнёр ЮК "Варшаўскі і партнёры" Уладзіслаў Варшаўскі.

“Праблемы абавязкова ўзнікаюць, калі банк у Расеі знаходзіцца пад санкцыямі ЗША (трапіў у спіс SDN). Даводзіцца мяняць банк на іншы, які пакуль не знаходзіцца ў SDN лісце”, - кажа старэйшы партнёр “Залесаў, Цімафееў, Гусеў і партнёры” Уладзімір Чыкін. Аднак, паводле ягоных слоў, замежныя банкі могуць адмаўляцца праводзіць аплаты на рахункі нават непадсанкцыйных крэдытных арганізацый, калі бачаць рызыкі сектаральных санкцый.

Затрымкі ў звароце валютнага даходу прывядуць да запаволення імпартнага патоку ў Расею, папярэджвае кіроўныпартнёр MoneyRoo Аляксей Астанін.

“На фоне гэтых праблем многія экспарцёры вымушаны абмяжоўваць разлікі са сваімі контрагентамі, і, такім чынам, падрадчыкі не могуць пачаць новыя імпартныя пастаўкі. Таму адна з асноўных задач - запусціць меры, якія дазволяць пазбегнуць абмежаванняў і паскорыць правядзенне аплат”, - растлумачыў ён.

Для вяртання валютнага даходу кампаніі могуць карыстацца паслугамі аплатных агентаў. У Nordic Star у апошні час фіксуюць рост попыту на іх, з-за чаго тарыфы на іх паслугі выраслі ў межах 10-20%. Паводле ацэнкі Чыкіна, кошт усіх транзакцыйных выдаткаў складае ад 5 да 20% - у іх уключаны таксама камісія за канвертаванне, рызыкі змены валютнага курсу, кошт грошай і іншае.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]