Вялікабрытанія можа размясціць ва Украіне вайсковыя базы

Пра гэта гаворыцца ў падпісаным паміж дзвюма краінамі дакуменце.

Дэкларацыя аб 100-гадовым партнёрстве, укладзеная паміж Украінай і Вялікабрытаніяй, дапускае размяшчэнне ва Украіне брытанскіх вайсковых баз.

Пра гэта гаворыцца ў артыкуле "Еўрапейскай праўды".

У дэкларацыі, падпісанай паралельна з Пагадненнем аб стогадовым партнёрстве на мінулым тыдні, сказана, што Злучанае Каралеўства будзе працаваць з Украінай над вызначэннем агульных вайсковых патрэб і супрацоўнічаць над пашырэннем спектра магчымасцяў і тэхналогій, якія абедзве краіны могуць вырабляць разам.

«Удзельнікі разгледзяць варыянты разгортвання і ўтрымання абароннай інфраструктуры ва Украіне, у тым ліку вайсковыя базы, склады матэрыяльна-тэхнічнага забеспячэння, сховішчы рэзервовай вайсковай тэхнікі і запасы вайсковага рэзерву. Гэтыя аб'екты могуць быць выкарыстаныя для ўзмацнення абароназдольнасці абедзвюх краін у выпадку значнай вайсковай пагрозы», - сказана ў дакуменце.

Цяпер фармулёўка ў дэкларацыі гучыць як чыста тэарэтычная магчымасць. І пакуль фармат размяшчэння патэнцыйных вайсковых баз не зразумелы.

Таксама пакуль застаецца адкрытым пытанне, як гэты намер суадносіцца з цяперашнім пунктам арт. 17 Канстытуцыі Украіны, якая кажа, што на тэрыторыі Украіны не дапускаецца размяшчэнне замежных вайсковых баз.

Дэкларацыя аб стогадовым партнёрстве палітычна пазіцыянуецца як частка асноўнага Пагаднення аб стогадовым партнёрстве, але юрыдычна гэты дакумент не звязаны і не падлягае ратыфікацыі разам з пагадненнем.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]