Украінскі ЦПД: Расея не дала рады задачы прыкрыцця неба

Дроны УСУ паспяхова атакавалі авіязаводы ў Казані.

У расейскім горадзе Казань прагрымела серыя выбухаў, пад атакай “невядомых дронаў” былі вайсковыя аб'екты.

Пра гэта ў панядзелак, 20 студзеня, паведаміў кіраўнік Цэнтра супрацьдзеяння дэзінфармацыі пры РНБА Украіны Андрэй Каваленка, каментуючы атаку на горад.

Каваленка падкрэсліў, што ў горадзе Казань знаходзяцца некалькі важных авіяцыйных прадпрыемстваў, якія адыгрываюць ключавую ролю ў ваенна-прамысловым комплексе краіны-агрэсаркі Расеі.

"Сярод іх Казанскі авіяцыйны завод імя С. П. Гарбунова, які займаецца вытворчасцю стратэгічных бамбавікоў Ту-22М3 і Ту-160, а таксама іх мадэрнізацыяй і рамонтам", – адзначыў Каваленка.

Кіраўнік ЦПД падкрэсліў, што гэты завод актыўна пашыраецца для абслугоўвання гэтых бамбавікоў.

Яшчэ адным важным прадпрыемствам, размешчаным у горадзе, з'яўляецца Казанскі гелікаптэрны завод. Ён, паводле слоў Каваленкі, спецыялізуецца на вытворчасці гелікаптэраў для вайсковых і цывільных патрэб.

Акрамя таго, у горадзе працуе Казанскі дзяржаўны дзяржаўны парахавы завод, на якім вырабляюцца порах і выбуховыя рэчывы для авіяцыйных боепрыпасаў і ракет, такіх як Калібр і Іскандэр.

"Не першыя атакі, але прыкрыццё неба Расеі становіцца ўсё цяжэйшым", - адзначыў Андрэй Каваленка.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]