Палонны баец КНДР расказаў, што ведае пра свет за межамі ягонай краіны

Як высветлілася — няшмат.

Паўночнакарэйскі вайсковец, якога ўзялі ў палон байцы Сіл спецаперацый на Куршчыне, служыў у выведвальным батальёне і сцвярджае, што не ведаў, супраць каго будзе ваяваць.

Відэа допыту салдата КНДР апублікаваў прэзідэнт Украіны Уладзімір Зяленскі ў сацсетках

На запісе, абнародаваным 20 студзеня, паўночнакарэйскі вайсковец адказвае на пытанні прадстаўнікоў украінскіх спецслужбаў праз перакладчыка.

Са слоў палоннага, ён, разам прыкладна са ста суайчыннікамі прыбыў у Расею на караблі, далей іх везлі цягніком.

Баец КНДР кажа, што некаторых з ягоных суайчыннікаў вучылі працаваць з цяжкай расейскай вайсковай тэхнікай, але ён, маўляў, не праходзіў такое навучанне.

Мужчына кажа, што ўступіў у шэрагі войска КНДР ва ўзросце 17 гадоў і праходзіў тэрміновую службу.

Ён сцвярджае, што не ведаў, што будзе ваяваць у Расеі, і не ведаў, супраць каго ваяваць.

На пытанне аб стратах войска КНДР, палонны кажа, што "было вельмі шмат пацярпелых у баях".

Яго маці не ведае, дзе зараз ейны сын. На пытанне "Што вы ведалі пра свет за межамі Паўночнай Карэі?" палонны адказвае "Трохі".

- Што-небудзь аб Паўднёвай Карэі вы ведалі?

– Я толькі ведаю, што ў Паўднёвай Карэі менш гор, чым у Паўночнай Карэі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]