Беларусы сутыкнуліся з чарговым відам махлярства падчас пошуку кватэр

Ашуканцы дзейнічаюць па ўсёй краіне.

Беларуска расказала ў TikTok, што ў Гомелі і іншых гарадах Беларусі пачала працаваць махлярка, якая нібыта здае ў арэнду кватэру з добрым рамонтам за даволі невялікую цану. Аднак падчас перапіскі, яшчэ да ўкладання дамовы, яна просіць пералічыць ўвесь кошт арэнды, каб «замацаваць кватэру» за сабой, піша CityDog.io.

Са слоў аўтара відэа, на двух папулярных пляцоўках у пошуку нерухомасці яна знайшла аб'яву аб здачы кватэры ў Гомелі за 135 даляраў. Падчас перапіскі «гаспадыня» пісала ёй, што нібыта ўжо здала жыллё, але «у канцы даведалася, што ў кватэранаймальнікаў ёсць сабака. Яна прапанавала ім пасля ад'езду аплаціць клінінг, але людзі адмовіліся».

У відэа дзяўчына ўдакладніла, што ў яе таксама ёсць сабака, таму аплату клінінгу яна прапанавала ўзяць на сябе, а далей стандартная схема махлярства.

Са слоў дзяўчыны, пасля ўдакладнення ўсіх нюансаў у кватэры, махлярка прапанавала беларусцы аплаціць увесь кошт арэнды, «каб замацаваць яе за мной». Для пераканаўчасці яна адправіла свае пашпартныя звесткі і нумар банкаўскай карты.

Аднак дзяўчына падумала, што ў яе просяць заплаціць задатак. Да таго ж яна «ўбачыла не поўную суму на 470 рублёў, а толькі 70 рублёў. Іх і пералічыла». На што атрымала патрабаванне пералічыць астатнія 400 рублёў - нібыта пасля гэтага «ўладальніца» будзе гатовая здаць ёй кватэру.

Акрамя таго, як удакладняе беларуска ў відэа, падчас перапіскі «гаспадыня» кватэры пісала, што знаходзіцца ў іншай краіне, таму здаваць жыллё будзе яе сястра, але з ёй можна будзе сустрэцца толькі пасля аплаты.

Ці многія сутыкнуліся з гэтым відам махлярства?

У каментарах пад відэа большасць карыстальнікаў з розных гарадоў Беларусі напісалі, што ўступалі ў перапіску з гэтай махляркай. Праўда, кожны раз у яе былі розныя імёны і новая аб'ява аб здачы кватэры.

Напрыклад, адна карыстальніца напісала, што ёй гісторыя дзяўчыны знаёмая «да кожнай літары» – «у мяне ўсё гэтак жа было, як у вас, але толькі ў Маладэчне. І я таксама скінула 60 рублёў».

Іншая дзяўчына напісала, што «сапраўды такое ж было ў Мазыры. Як жа добра, што ўбачыла ваша відэа. Трэба тэрмінова паведаміць хлопцу».

На гэтую ж ашуканскую схему трапілася і беларуска са Светлагорска. Паводле ейных слоў, спачатку нібы ўладальніца кватэры папрасіла яе пералічыць частку грошай за арэнду. Аднак пасля гэтага махлярка напісала, што кватэру ўжо здалі, таму яна верне дзяўчыне грошы і для гэтага ёй трэба перайсці праз спасылку, «якая была падобная да сайта «Альфа-банка». Але па выніку, перайшоўшы па ёй, «нашы 700 рублёў паляцелі проста ў нікуды».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]