Дваццаць выбухаў: дроны УСУ атакавалі Смаленскі авіязавод

Будынак ахоплены полымем.

У ноч на 21 студзеня група беспілотнікаў Украіны здзейсніла атаку на яшчэ адзін расейскі авіяцыйны завод, які знаходзіцца ў Смаленску, паведамляе «Диалог».

Кіраўнік вобласці Васіль Анохін пацвердзіў атаку беспілотнікаў на Смаленск. Пры гэтым заклікаў захоўваць спакой, бо ў горадзе працуюць сістэмы СПА. У пацвярджэнне яго слоў жыхары Смаленска сталі актыўна выкладваць у сетку працу «Панцыра». На адным з ролікаў можна ўбачыць момант удару па беспілотніку, аднак ёсць і ролік, у якім расейская сістэма наносіць удар і па шматпавярховым доме.

Пакуль невядома дакладная колькасць дронаў, якія атакавалі Смаленск. Мясцовыя жыхары пішуць пра «бавоўны» ў розных раёнах горада.

Вядома, што пад удары патрапіла як мясцовая тэлевышка, так і авіяцыйны завод.

Усяго ж было налічана блізу 20 «бавоўнаў». У той момант, пакуль авіязавод быў ахоплены полымем, кіраўнік рэгіёну даў справаздачу аб «добра праведзенай працы сіламі УС РФ».

Смаленскі авіяцыйны завод адкрыты яшчэ ў 1926 годзе. У часы СССР завод выпускаў спартыўныя самалёты тыпу «Як-18Т» і пасажырскія тыпу «Як-42».

З 2004 года завод уваходзіць у карпарацыю «Тактычнае ракетнае ўзбраенне». З 2022 года знаходзіцца пад санкцыямі Захаду праз вытворчасць ракет Х-59. Таксама на заводзе займаюцца рамонтам і тэхабслугоўваннем ужо пабудаваных самалётаў.

На заводзе працуюць больш за 4 тысячы чалавек.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]