«Нафта - краевугольны камень»: што значаць новыя ўказы Трампа

Галоўныя высновы.

Прэзідэнт ЗША Дональд Трамп падпісаў беспрэцэдэнтную колькасць указаў, якія закранаюць як унутраную, так і замежную палітыку ЗША.

Сайт Charter97.org папрасіў украінскага палітолага, прафесара Кіеўскага Нацыянальнага ўніверсітэта імя Тараса Шаўчэнкі Пятра Алешчука прааналізаваць першыя пастановы новага прэзідэнта ЗША пасля інаўгурацыі:

- Пачну з таго, што Трамп у значнай ступені скасаваў пастановы папярэдняй адміністрацыі. Агулам глабальна змяніў курс: выйшаў з Сусветнай арганізацыі аховы здароўя, з Парыжскай дамовы па змене клімату. Відавочна, што апошняе - гэта частка яго далейшых крокаў па зняцці абмежаванняў на здабычу нафты ў ЗША. Ён плануе іх цалкам зняць, ён не раз паўтараў, што нафту трэба пампаваць.

У прынцыпе, гэта было чакана, як і яго пастановы, звязаныя з увядзеннем надзвычайнага становішча на мяжы з Мексікай і агулам антымігранцкія дзеянні.

Глабальна, вядома, выклікалі агульную ўвагу яго пастановы аб мараторыі на 90 дзён на наданне дапамогі іншым дзяржавам. Многія гэта звязваюць з Украінай, насамрэч, у першую чаргу, гэта тычыцца не Украіны, а шэрагу іншых дзяржаў, у тым ліку Блізкага Усходу. Такіх праграм вельмі шмат існуе.

Не скажу, наколькі гэта тычыцца Украіны, бо праграмы дапамогі за мінулы год скончыліся, а новыя не былі прагаласаваныя, таму мне цяжка сказаць, якія праграмы ў дачыненні да Украіны гэта можа закрануць.

Таксама ён скасаваў блакаванне TikTok, а дакладней прыпыніў на 75 дзён. Відавочна, што ён разлічвае за гэты час прыйсці да нейкай дамовы з нагоды змены ўласнікаў TikTok, захаваўшы гэтую сацсетку ў ЗША.

- У сваёй інаўгурацыйнай прамове ён успомніў аб абяцанні павялічыць здабычу нафты. Падпісваючы ўказы, ён прыстрашыў увядзеннем тарыфаў для Канады, Мексікі, але таксама і для краін БРІКС. Ці пачне Трамп «нафтавую» і «гандлёвую» вайну?

- Для яго гэта адзін з самых галоўных момантаў і пытанняў яго прэзідэнцтва. То бок, ён усю сваю палітыку звязвае з гэтай тэмай, мяркуючы, што павышэнне здабычы нафты істотна паўплывае на кошты нафты і нафтапрадукты. Гэта, у сваю чаргу, паўплывае на кошты ў ЗША. Ён нават заклікаў, маўляў, не спяшайцеся закупляцца ў супермаркетах да маёй інаўгурацыі, бо потым гэта ўсё патаннее.

Тэма з нафты - краевугольны камень яго выбарчай кампаніі.

- Прагучала і першая заява пра вайну ва Украіне. Трамп заявіў, што Пуцін «разбурае Расею», РФ страціла мільён салдат і Маскве будзе горш, калі яна не сядзе за стол перамоў. Ці пачулі мы нешта новае ад прэзідэнта ЗША?

- З'явілася інфармацыя, што ён даручыў арганізаваць найбліжэйшым часам тэлефонную размову з Пуціным, у агляднай будучыні правесці з ім сустрэчу. Відавочна, што на сустрэчы Трамп будзе ўздымаць пытанні аб заканчэнні вайны ва Украіне, што ён таксама абяцаў.

Пры гэтым заканчэнне ён, напэўна, бачыць, як свайго кшталту замарожванне, якое з яго пункту гледжання будзе выгаднае Пуціну, бо дазволіць пазбегнуць таго, што ён уважае за крах расейскай эканомікі.

Але ў Пуціна можа выявіцца на гэта зусім іншы погляд. Ён можа меркаваць, што ўсіх перамагае, пераможа, што ён «вялікі лідар» з вялікай колькасцю сусветных сяброў.

Сапраўды кажучы, я не ўпэўнены, што такі рацыянальны падыход Трампа да дыялогу з Пуціным прывядзе да якіх-небудзь вынікаў, але калі вынікаў не будзе, складана сказаць, як на гэта адрэагуе Трамп.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]