«У Пуціна справы ідуць не надта добра, ён пакутуе і выглядае дрэнна»

Трамп расказаў аб галоўных праблемах Расеі.

Прэзідэнт ЗША Дональд Трамп зноў падкрэсліў, што ўкраінскі лідар Уладзімір Зяленскі хоча ўкласці мірнае пагадненне, а расейскі дыктатар Уладзімір Пуцін мае значныя праблемы ў эканоміцы сваёй краіны.

Пра гэта ён заявіў падчас размовы з журналістамі ў Белым доме, інфармуе CNN.

«Ён (Пуцін. - Рэд.) павінен укласці ўгоду. Я думаю, што ён разбурае Расею без угоды», - паўтарыў Трамп, згадаўшы аб эканамічных праблемах РФ і інфляцыі, якая набліжаецца да 10%.

Ён таксама зазначыў, што дэталі сустрэчы з Пуціным пакуль узгадняюцца.

«Гэта можа быць вельмі хутка...Вайна паміж Украінай і Расеяй ніколі не павінна была пачацца», - дадаў Трамп.

«Ён (Пуцін. - Рэд.) не можа быць у захапленні...У яго справы ідуць не вельмі добра. Я маю на ўвазе, што ён пакутуе...ён выглядае не вельмі добра...Я думаю, што ён быў бы вельмі рады скончыць гэтую вайну», - рэзюмаваў Трамп.

Нагадаем, пасля інаўгурацыі Трамп заяўляў, што Пуцін разбурае Расею праз адмову дасягнуць мірнай дамовы з Украінай.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]