Бульба ў Беларусі за год падаражэла на траціну

З харчавання ў катэгорыю «патаннела» трапіў толькі адзін прадукт.

За 2024 год харчовыя тавары падаражэлі на 6,5%, а нехарчовыя - на 3,4%. Але больш цікава будзе прааналізаваць, як змяніліся кошты канкрэтных пазіцый. Такія лічбы прывёў Белстат.

На першым месцы ў падаражанні - бульба. Яе кошт падняўся на 31,2%. Прыстойна дадала і кава - плюс 21%.

У іншых тавараў такіх высокіх паказчыкаў няма. Кандытарскія вырабы, напрыклад, падаражэлі на 9,9%, рыба і морапрадукты - на 9,4%, алкаголь - на 8,5%.

У нізе спісу - мяса і малако (4,5%), гародніна (3,9%) і садавіна (2,5%).

З усіх прадуктаў патаннеў толькі цукар - на 0,3%.

Кошты нехарчовых тавараў

З неядомага больш за ўсё падаражэлі друкаваныя выданні - плюс 9,8%. За імі - лекавыя прэпараты (7,6%), мэбля (6,3%) і тэлевізары (4,5%).

Бензін дадаў 3,5%, адзенне - 2,7%, парфумерыя і касметыка - 2,2%.

У катэгорыі «патаннела» - сінтэтычныя мыйныя сродкі (-1,6%), абутак (-1,9%) і легкавыя аўто (-3,2%).

Паслугі аўтамабільнага транспарту падаражэлі на 14,8 адсотка, ветэрынарныя - на 12,2 адсотка, а жыллёва-камунальныя - на 5,9%. Паслугі адукацыі падаражэлі на 5,1%, а медыцынскія - на 2,4%.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]