Панама звярнулася ў ААН праз пагрозы Трампу

Прэзідэнт краіны заявіў, што «канал не быў падарункам ЗША».

Улады Панамы пасля інаўгурацыйнай прамовы прэзідэнта ЗША Дональда Трампа, у якой ён паўтарыў пагрозы захапіць Панамскі канал, аспрэчылі ягоныя сцвярджэнні і звярнуліся па падтрымку ў ААН, паведамляе «Нямецкая хваля».

«Мы цалкам не прымаем усё, што сказаў спадар Трамп», – заявіў на Сусветным эканамічным форуме ў Давосе ў сераду, 22 студзеня, прэзідэнт Панамы Хасэ Рауль Мулін.

Ён падкрэсліў, што Панамскі канал не быў «падарункам ад ЗША», як гэта сцвярджае Трамп. Канал «належыць Панаме і будзе далей належаць Панаме», дадаў Мулін.

Амбасадар Панамы ў ААН Элай Альфара дэ Альба накіраваў генеральнаму сакратару арганізацыі Антонію Гутэрышу ліст, у якім звярнуў увагу на «трывожныя выказванні» Трампа, паведамляюць AFP і Reuters.

Панамскія ўлады пры гэтым спаслаліся на артыкул Статута ААН, які забараняе любому сябру арганізацыі пагражаць сілай ці ўжываць яе супраць тэрытарыяльнай цэласнасці ці палітычнай незалежнасці іншай дзяржавы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]