У Польшчы разглядаецца шэраг зменаў у візавай сістэме

Беларусам для ведання.

Польскі парламент разгледзіць шэраг законапраектаў, якія павінны ўпарадкаваць візавую сістэму. Частка гэтых зменаў закране і беларусаў. Пра гэта тэлеканалу «Белсат» расказалі ў Міністэрстве замежных справаў Польшчы.

У Польшчы ідзе праца над новай сістэмай консульскага абслугоўвання. Мяркуецца, што новая сістэма будзе грунтавацца на біяметрычных звестках заяўніка (паводле прынцыпу сканавання твару, як у Face ID у смартфонах Apple). Польскія дыпламаты мяркуюць, што такі захад дапаможа змагацца з нядобрасумленнымі пасярэднікамі ў Беларусі.

Таксама ў МЗС Польшчы заявілі, што працуюць над тым, каб колькасць слотаў адпавядала рэальнаму попыту з боку беларусаў. «Працуем над тым, каб гэтыя ўмовы [выдачы візаў] былі паслядоўна прыведзеныя ў адпаведнасць з рэальным попытам – каб колькасць гэтых слотаў расла», – пракаментавала намесніца кіраўніка МЗС Хенрыка Масціцка-Дэндзіс.

У красавіку 2024-га візавыя цэнтры ў Беларусі ўвялі верыфікацыю праз відэасувязь пры падачы дакументаў на атрыманне шэнгенскай візы. Цяпер для пацверджання асобы заяўніка патрабуецца арыгінал пашпарта і прылада з працоўнай камерай. Але такое новаўвядзенне стварыла цяжкасці. Многія ахвотныя атрымаць візу скардзіліся, што не могуць ні самі прайсці рэгістрацыю, ні запісаць састарэлых бацькоў, ні звярнуцца да «памагатых».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]