Індэкс S&P 500 абнавіў гістарычны рэкорд

Упершыню перавысіў адзнаку 6100 пунктаў.

Індэкс S&P 500 абнавіў гістарычны рэкорд, перавысіўшы адзнаку 6100 пунктаў. На гандлі ў сераду, 22 студзеня, у 20:10 паводле Менска індэкс S&P 500 узняўся на 0,85%, да 6100,81 пункта.

Папярэдні гістарычны максімум у індэксе S&P 500 быў зафіксаваны на ўзроўні 6099,97 пункта на гандлі 6 снежня 2024 года.

Асноўныя фондавыя індэксы ЗША пачалі сесію серады ўздымам. Інвестары пазітыўна адрэагавалі на моцныя квартальныя вынікі стрымінгавага гіганта Netflix і планы прэзідэнта ЗША Дональда Трампа ў інвестыцыях у інфраструктуру для штучнага інтэлекту, піша Reuters.

Акцыі стрымінгавага сэрвісу Netflix (NFLX) узляцелі больш як на 13% на фоне падвышэння коштаў падпіскі і рэкорднага прыросту ліку карыстальнікаў. У чацвёртым квартале летась кампанія прывабіла 18,9 млн падпісчыкаў, давёўшы агульную глабальную абаненцкую базу да амаль 302 млн кліентаў. Квартальны прырост стаў самым вялікім за ўсю гісторыю кампаніі, чаму спрыялі першыя буйныя спартовыя трансляцыі ў прамым эфіры і вяртанне серыялу «Гульня ў кальмара». Акрамя таго, Netflix паведаміў, што падніме кошты падпіскі ў ЗША, Канадзе, Партугаліі і Аргентыне.

Паперы Oracle (ORCL) у пачатку гандлю падаражэлі больш як на 9% на фоне навіны пра супольны праект з SoftBank Group і OpenAI коштам $100 млрд. У выніку ў ЗША з'явіцца кампанія Stargate, якая будзе займацца развіццём інфраструктуры штучнага інтэлекту. У найбліжэйшыя гады інвестыцыі ў праект павялічацца да $500 млрд, будуць створаныя 100 тыс. новых працоўных месцаў у ЗША.

Інвестыцыі ў тэхналогіі ШІ рэзка выраслі з таго часу, як OpenAI запусціла чат-бот ChatGPT у канцы 2022 года, што прывяло да росту кошту акцый вытворцаў мікрасхемаў і кампаній, якія ствараюць інфраструктуру штучнага інтэлекту.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]