Ад Ізраіля на «Еўравізію» паедзе ўнікальны выканаўца

Яе клічуць Юваль Рафаэль.

Ізраільцянка Юваль Рафаэль, якая выжыла пры нападзе джыхадыстаў на музычны фэст Nova 7 кастрычніка 2023 года, будзе рэпрэзентаваць сваю краіну на наступным конкурсе «Еўравізіі», паведамляе «Радыё Свабода».

На гэтым тыдні 24-гадовая выканаўца перамагла ў конкурсе талентаў «Узыходзячая зорка», што дало ёй права рэпрэзентаваць сваю краіну на «Еўравізіі 2025» у швэйцарскім горадзе Базэлі ў траўні гэтага года.

Як адзначае France-Presse, падчас адбору ў Ізраілі Рафаэль выканала ў форме балады песню швэдскага гурта ABBA Dancing Queen. Яна прысвяціла нумар, як яна сказала, «усім анёлам», забітым на фестывалі.

З якой песняй Рафаэль паедзе ў Базэль, стане вядома ў найбліжэйшыя тыдні.

Пры нападзенні баевікоў радыкальнай палестынскай групоўкі ХАМАС, прызнанай тэрарыстычнай у ЗША і ЕЗ, на поўдні Ізраіля ўвосень 2023 года былі забітыя 1200 чалавек, яшчэ больш за 250 - апынуліся ў закладніках. На фестывалі Nova ахвярамі радыкальных ісламістаў сталі больш за 370 чалавек, 44 - узятыя ў закладнікі.

Юваль Рафаэль у сваіх паказаннях Радзе ААН у правах чалавека ў красавіку 2024 года адзначала, што калі пачаўся ракетны абстрэл, які папярэднічаў нападу баевікоў, яна разам з групай іншых наведвальнікаў фэсту схавалася ў невялікім бамбасховішчы. Неўзабаве нападнікі адкрылі агонь і тамака. «Калі целы забітых падалі на нас, я зразумела, што хавацца пад імі - гэта адзіны спосаб перажыць гэты кашмар», - распавядала Рафаэль.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]