The Telegraph: Пуцін ужо адчувае смак атруты

Трамп адправіў Крамлю трывожны сігнал.

Пачатак 2025 года адзначыўся ўзмацненнем геапалітычнага напружання і трансфармацыяй пазіцый ключавых гульцоў на сусветнай арэне. Новы прэзідэнт ЗША Дональд Трамп значна змяніў танальнасць што да вайны ва Украіне, што ўжо выклікала сур'ёзную занепакоенасць у Крамлі, піша ў артыкуле для The Telegraph аглядальнік Фрэнсіс Дзірнлі.

Для расейцаў Год Змяі мае сімвалічнае значэнне праз яго асацыяцыю з важнымі гістарычнымі ўзрушэннямі, такімі як рэвалюцыі, войны і распад Савецкага Саюза. З пачатку гэтага года Крэмль сутыкнуўся з шэрагам унутраных і вонкавых выклікаў, зрэшты, эканамічным знясіленнем праз вайну і ціскам з боку міжнароднай супольнасці.

Яшчэ падчас сваёй кампаніі Трамп дэманстраваў асцярожную рыторыку што да вайны ва Украіне, часта падкрэсліваючы свае «добрыя стасункі» з Пуціным і крытыкуючы NATO. Аднак пасля яго інаўгурацыі танальнасць кардынальна змянілася. Трамп назваў Расею слабым бокам у гэтым канфлікце:

«Я думаю, Пуцін знішчае Расею. Яе эканоміка ў руінах, а страты на фронце каласальныя».

Гэтая заява суправаджалася папярэджаннем, адрасаваным Маскве: альбо Пуцін пачне перамовы аб заканчэнні вайны, альбо ЗША увядуць больш жорсткія эканамічныя санкцыі, уключаючы тарыфы і абмежаванні на экспарт расейскіх энэрганосьбітаў.

«Цяпер, калі пачынаецца кадэнцыя Трампа, Крэмль пачынае адчуваць смак атруты. Трамп не з'яўляецца чалавекам, які становіцца на бок тых, хто саступіў, і, што важна, ён уважае Маскву за пераможаную няўдачніцу», - піша Дзірнлі.

Эканамічная сітуацыя ў Расеі

Расея перажывае эканамічны крызіс, які ўзмацняецца праз санкцыі, вайсковыя выдаткі і страты на полі бою. Дзірнлі адзначае, што расейская эканоміка набліжаецца да катастрофы. Паводле ацэнак, інфляцыя дасягнула 9%, а стаўкі па крэдытах выраслі да 23%. Выдаткі на кампенсацыі вайскоўцам і іх сем'ям складаюць 6% федэральнага бюджэту, што яшчэ больш цісне на эканоміку.

Трамп, вядомы сваім прагматычным падыходам да палітыкі, загаварыў аб магчымасці выкарыстання замарожаных расейскіх актываў у ЗША (330 мільярдаў даляраў) для дапамогі Украіне. Такі крок можа не толькі ўзмацніць ціск на Маскву, але і істотна ўмацаваць абараназдольнасць Украіны.

Хоць Трамп і заклікае да хуткага ўрэгулявання канфлікту праз перамовы, застаецца пытанне, ці гатовы Пуцін адступіцца ад сваіх максімалісцкіх амбіцый. Крэмль працягвае імкнуцца вярнуць Украіну ў сваю сферу ўплыву, што абцяжарвае ўсякія кампрамісы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]