Дроны пашкодзілі авіяцыйны завод у Варонежскай вобласці РФ

Прадпрыемства ўваходзіць у карпарацыю «Тактычнае ракетнае ўзбраенне».

Расейцы завілі, што дроны атакавалі авіяцыйны рамонтны завод у Барысаглебску Варонежскай вобласці. Завод быў пашкоджаны.

Пра гэта паведамляе Telegram-канал ASTRA.

Як піша выданне, у ноч на 24 студзеня дроны атакавалі 711 авіяцыйны рамонтны завод на вуліцы Чкалава ў Барысаглебску Варонежскай вобласці. У выніку нібыта падзення абломкаў быў пашкоджаны дах аднаго з цэхаў і кацельня. Пацярпелых няма. Таксама ў жылых дамах недалёка ад завода выбітыя вокны.

Таксама былі апублікаваныя наступствы абстрэлу. Са слоў губернатара рэгіёну, абломкі збітага дрона нязначна пашкодзілі прыватны дом і цяпліцу. Геазвесткі сведчаць аб тым, што яны размешчаныя на вуліцы Чкалава побач з заводам.

Вядома, што 711-ы авіяцыйны рамонтны завод займаецца рамонтам узбраення і вайсковай тэхнікі для ВПС РФ. Завод уваходзіць у карпарацыю «Тактычнае ракетнае ўзбраенне». Звесткі з СМІ сведчаць, што завод займаецца рамонтам кіраваных ракет класа «паветра-паветра» і «паветра-зямля», наземных сродкаў сувязі і сістэм радыётэхнічнага забеспячэння палётаў.

«Цяпер завод з'яўляецца адзіным у Расеі прадпрыемствам, якое ажыццяўляе рамонт усёй наменклатуры ракет, што знаходзяцца на ўзбраенні франтавой авіяцыі, а таксама рамонт наземных сродкаў сувязі і радыётэхнічнага забеспячэння палётаў», – пісалі мясцовыя СМІ.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]