У Міністэрстве ЖКГ патлумачылі, ад аплаты якіх паслугаў могуць адмовіцца беларусы

Іх усяго пяць.

Ад некаторых ЖКП спажывец мае права адмовіцца, паведамляюць у Міністэрстве жыллёва-камунальнай гаспадаркі краіны.

Усе ЖКП дзеляцца на асноўныя і дадатковыя. Першыя абавязковыя для атрымання і аплаты, другія - на жаданне.

Да асноўных жыллёва-камунальных паслуг, адмовіцца ад якіх нельга, належаць, між іншым, водазабеспячэнне (халоднае і гарачае), каналізацыя, цепла-, газа-, электразабеспячэнне, абыходжанне з ТКА, тэхабслугоўванне жылога дома, яго бягучы і капітальны рамонты, санітарнае ўтрыманне дапаможных памяшканняў, тэхнічнае абслугоўванне ліфта. Таксама спажыўцы аплачваюць паслугу ў кіраванні агульнай маёмасцю сумеснага домаўладання ў тых дамах, дзе яна аказваецца (дзе назначана ўпаўнаважаная асоба па кіраванню агульнай маёмасцю), і кампенсуюць расходы арганізацыі абслугоўвання на электраэнэргію, якая спажываецца на асвятленне дапаможных памяшканняў, работу абсталявання і ліфт.

Дадатковых ЖКП пяць:

▪ устаноўка і (або) тэхнічнае абслугоўванне запорна-перагаворных прылад жылога дома;

▪ устаноўка і (або) тэхнічнае абслугоўванне сістэм відэаназірання за жылым домам і прыдамавой тэрыторыяй;

▪ арганізацыя працы і ўтрыманне вахцёраў (кансьержаў) у шматкватэрным жылым доме;

▪ арэнда і (або) замена падлогавых гразеахоўных дывановых пакрыццяў;

▪ уладкаванне прыдамавых тэрыторый элементамі азелянення, добраўпарадкаванне і іх далейшае ўтрыманне.

Рашэнне аб карыстанні дадатковымі ЖКП можа прымацца на агульным сходзе ўдзельнікаў уласнікаў жылля.

«Калі ўдзельнік сумеснага домаўладання наважыў адмовіцца ад атрымання дадатковай ЖКП, то ён можа проста не падпісваць дамову. Прасцей кажучы, няма дамовы - няма паслугі, адпаведна аплачваць нічога не трэба», - адзначылі ў прэс-службе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]